Programi i Mbështetjes së Agrobiznesit dhe Turizmit Shqiptar (AATSF) është një projekt i qeverisë shqiptare dhe Bankës Europiane për Rindërtim dhe Zhvillim. Me anë të këtij programi, katër banka tregtare pjesëmarrëse në program ofrojnë financime me norma shumë të lehtësuara të kolateralit.

AATSF është një strukturë financimi prej 180 milionë Euro, e cila vjen në formën e Ndarjes së Riskut të Portofolit dhe Linjave të Kreditimit. Programi është i përbërë nga tre elementë kryesorë:

• 20% Mbulim i Riskut të Humbjeve të Para në vlerën e 36 milionë Euro financuar nga Qeveria e Republikës së Shqipërisë

• 10% grant investimi për huamarrësit në të dy sektorët (vetëm për investimet në kapital, maturimi minimal 18 muaj) pasi investimi të jetë përfunduar dhe verifikuar

• Asistencë Teknike në formën e ngritjes së kapaciteteve për Institucionet Financiare Partnere dhe për huamarrësit përfundimtarë (bizneset)

Bankat pjesëmarrëse në këtë program janë ProCredit Bank Albania, OTP Bank Albania, Intesa San Paolo Bank Albania dhe Raiffeisen Bank Albania.